Оригинальные идеи,

сценарии для досуга

Материалы для обучения

в любых сферах

Готовые решения

на любой возраст

Зарабатывайте

на своих креативах

Возраст
Категория
Формат
Цена
  1. Главная
  2. Сценарии к 1 сентября
  3. Сценарий к 1 сентября

Сценарий к 1 сентября

Описание сценария

1 сентябрь – Белем бәйрәме!

Музыка фон “Өйрәтәләр мәктәпләрдә”

1.     Һава салкыная бара,
Аяк басабыз көзгә.
Сары төстә яфраклар да
Чалына инде күзгә.

2.     Хушлаштык ямьле җәй белән,
Үтте дә каникуллар.
Бүген бәйрәм – белем көне,
Мәктәпкә илтә юллар.

3.     Гөжләгәндәй бал кортлары
Гөр килә мәктәп алды.
Шат тавышлар: кемнәр, кайда,
Ничек үткәргән ялны?

4.     Кыңгырау да сагынгандыр,
Моң сарылган теленә,
Парта артына чакыра,
Әйдәп белем иленә.

5.Белем бәйрәмен алып килә
Кыңгыраулы сентябрь.
Кулларымда тере чәчәк,
Шатлыгымны син дә күр.

А.Б. Хөрмәтле укытучылар һәм укучылар! Барыгызны да Белем көне белән котлыйбыз! Шушы минутта меңәрләгән укучылар безнең кебек үк мәктәпкә килде. Йөзләр балкый, күзләрдә нур, йөрәкләрдә дәрт. Без туган мәктәбебезгә белем алу теләге белән аяк басабыз һәм һәр уку көнебез шулай якты, матур булсын иде дип телибез.

А.Б.1 сентябрь - Белем көне генә түгел ул, ә туган көн дә. Чөнки бу көнне яңа өметләр, яңа планнар, яңа омтылышлар туа. Бу өметләрнең аклануы, омтылышларга ия булуыбыз тик үзебездән генә тора. Республикабызның, илебезнең киләчәге - безнең кулда.

А.Б. Бәйрәм белән котлау өчен сүз мәктәп директоры Гыйззәтуллин Булат Нәфик улына бирелә.

(Директор  котлавы)

6. Укытучы, мәктәп – бу ике сүз
Күнелемдә яши янәшә,
Мәктәбем, дип әйткән чакта
Укытучым, дип, йөрәк эндәшә.

7. Укытучы, якты кояш кебек,
Күңелемне назлап жылыта.
Авыр чакта ярдәм кулы суза,
Сабыр сүзе белән юата.

8. Белем тауларының үрләренә
Житәкләшеп тагын менәрбез.
Сезне матур чәчәкләргә тиңләп,
Гөлләмәләр бүләк итәбез.

Музыка астында укытучыларга чәчәкләр тапшыру.

А.Б. Безнең бәйрәмебез түрендә бүген чал чәчле хөрмәтле ветераннарыбыз. Аларны исән-сау килеш бәйрәмебез түрендә күрергә без бик шатбыз. Алар өчен дә мәктәпкә килү яшьлекләрен искә төшерүче күңелле вакыйгадыр дип уйлыйбыз. Хәзер аларның үзләренә дә сүз бирик. (Ветеран укытучылар сүз әйтә)

Җыр (укытучыларга багышланган)____________________________________                                                                                                    

Җыр

1)Язгы кояш нурын сипкэн кебек
Яктыртасын барыр юлымны
Акыл кочен остэп хислэренэ
Олэшэсен йорэк жылынны.

КУШУкытучым, белем биреп
Хэр чак алга эйдисен
Кунеллэрне кунеллэргэ
Жеплэр бн бэйлисен.

2)Гел дореслек синен кузлэрендэ
Гел ихласлык синен жанында
Кояш тирэсендэ эйлэнгэндэй
Укучылар хэр чак янында.

3)Гадел саф йорэкле укытуым
Зур хормэткэ лаек кеше син
Паклык остэп бала кунеленэ
Безгэ урнэк булып яшисен.

А.Б.Бәйрәмебездә 1 сентябрь көнен зур түземсезлек белән көтеп алган нәни дусларыбыз – 1нче сыйныфка укырга керүче балалар да катнаша. Әйдәгез, беренче тапкыр мәктәп бусагасын атлап керүчеләрне алкышлап бирегә чакырыйк.

 Беренчеләрнең чыгышлары

1. Чәчәкләр тотып кулга
Без чыктык озын юлга
Һәркем белә әлбәттә
Без барабыз мәктәпкә.

2. Мәктәпкә озаткан чакта
Әбием кочып сөйде
Алдынгы булырга тырыш 
Бәбкәчем берүк диде.

3.Кичә әни белән бергә
Әзерләдек сумканы.
Пеналыма тезеп куйдым
Карандаш һәм ручканы.

4. Әтием дә , әнием дә,
Бу көнне бик көттеләр.
Балалардай дулкынланып
Мине озата килделәр.

5.Өлкән дуслар шаярталар,
Ә без ачуланмыйбыз.
-Чәчәкләр артыннан , - диләр
Күренми бит буегыз.

6. Исәнме, мәктәп, исәнме!

Без сине сагынып беттек.

Сентябрь ае җиткәнен

Түземсезләнеп көттек.

Җыр ( 1 сыйныфлар) _______________________________________

А.Б. Мәктәп еллары – кеше гомеренең кабатланмас бер мизгеле. Шуңа күрә баланың мәктәпкә килү көне – ул зур бәйрәм Мәктәптә уку дәверендә, укытучы белән янәшә һәрвакыт ярдәмгә килергә әзер торучы якын кешеләр - әти-әниләр дә катнаша. Сүзне аларга бирәбез.

(Ата-аналар котлавы)

9.Бүген башлап басасың син

Олы белем юлына.
Белем дөньясына ачкыч-
"Әлифба” ал кулыңа.
"Әлифба”гыз – алтын ачкыч,
Аны ихлас укыгыз.
Белем белән коралланып,
Галәмнәрне байкагыз!
(Әлифбалар таратыла)

Беренчеләрнең әлифба турында шигыре.

1.Хәрефләр дә өйрәнербез,

Сүзләр төзеп укырбыз.

Сагынып көткән мәктәптә без

Бик күп дуслар табарбыз.

2.Без әле беренче тапкыр

Дәресләргә барабыз.

Дәфтәр-китапны барлап,

Сумкаларга салабыз.

3.Язарга без өйрәнербез

Ручка тотып кулларга.

Хәрефләрне тезәрбез без

Бик тырышып юлларга.

4.Дус, тату, матур яшәүнең

Серенә төшенербез

Бик тырышып  укыганда

Уңышка ирешербез.

5.Без мәктәпкә барабыз

Хәерле сәгатьләрдә.

И мәктәбем, өйрәт безне

Иң матур гадәтләргә.

6.Ант бирәбез әниләргә

Һәрвакыт сүз тыңларга

Мәктәптә дә, тормышта да

Яхшы кеше булырга.

Чыгарылыш класс укучысы

10 .Иренмичә, ялкауланмый
Укыгыз фән илендә.
Китапларны ачыр өчен
Ачкыч бирәбез сезгә.

(Ачкыч һәм бүләк  тапшырыла)

11.  Хәерле юл, мәктәп иленә !
Төкле аяк белән керегез.
Алда сезне күп могҗиза көтә,
Сау – сәламәт укып бетегез.

12. Бу якты йорт сезнең бәхет өчен,
Бу китаплар сезгә нур чәчсен!
Эчләрендә булган әйбәт сүзләр
Иптәш булып сезгә эндәшсен.

Жыр  (Мәктәп турында ___________________________________

Иң яраткан бер бина ул

Һәрберебез куңлендә.

Белем чишмэ безнең башы

Гомеребез турендә.

Мәктәп, мәктәп

Сина бу җыр мәдхия булсын инде.

Мәктәп, мәктәп сине кочар

Кочагым моң җыр иле.

Тормыш бездән кемнәр ясар

Без әлегә өлгеләр.

Алда кемнең кем булуын

Безгә мәктәп билгеләр

Язмыш дилэр үзе белә

Безнең ниләр күрәсен.

Ә мин хаман сиңа укыйм

Изге теләк сүрәсен.

13. Кояшның да бүген йомшак нуры
Сезне бирегә сөеп китерде.
Алыгыз сез гыйлем хазинәсен
Һәм үсегез гөлләр шикелле!

14.Бездән сезгә шул теләк:
Белегез укуның кадерен,
Ертмагыз дәфтәр битләрен,
Саклагыз китапны кадерләп.
Пөхтә булсын киемегез,
Таза булсын кул һәм битегез!

15.Курыкмагыз һич бер эштән – кыю булыгыз!
Изгелекле булыгыз,
Кешелекле булыгыз!
Олыларны хөрмәтләп,
Гел рәхмәтле булыгыз!

16 .  Чакыра, тагын чакыра
Кыңгырау классларга.
Бүгеннән – Белем көненнән
Уку елы башлана!

(1нче сыйныф укучысы түгәрәк буйлап әйләнеп кыңгырау чыңлата.)

Музыка куела.

Укытучы

Менә бәйрәмебез ахырына да якынлашты.

Хушлашмыйк без, бары саубуллашыйк,

Очрашырбыз җае килгәндә.

Бер-беребезгә сәлам биреп китик,

Очрашканда яки күргәндә.

 Хөрмәтле укытучылар, укучылар, килгән кунаклар! Көннәрегез имин үтсен, кайгы хәсрәт күрмәгез! Киләсе очрашуларга кадәр сау-сәламәт торыгыз!